- இது இருமல், நரம்புத் தளர்ச்சி, வாய்த்துர்நாற்றம், வயிற்றுப் போக்கு போன்ற நோய்களுக்கு மிகவும் சிறந்தது.
- இதன் தண்டு, இலை, பூ ஆகியவையும் பித்தப்பை, சிறுநீர்ப்பை கற்களைக் கரைத்திடும் மருந்தாகவும் இதன் வேர் விஷ முறிவாகவும் பயன்படுகின்றது.
- இதற்கு பசியைத் தூண்டும்,வயிற்றில் உள்ள புழுக்களைக் கொல்லும் தன்மை,வாயுத்தொல்லைகளை அகற்றும் தன்மையும் உண்டு.
- வசம்பைத் தீயில் சுட்டுக் கருக்கி, அதனைத் தாய்ப்பாலுடன் கலந்து குழந்தைகளுக்குப் புகட்டினால் குழந்தைகளுக்கு ஏற்படும் வயிற்றுபோக்கு, வயிற்றுப் பொருமல் , வலி ஆகியவை குணமாகும்
- வசம்புத் தூளைத் தேனில் கலந்து சிறியவர் முதல் பெரியயோர் வரை சாப்பிட்டால் ஜீரணக் கோளாறுகள்,திடீர் வயிற்றுப் போக்குகள் குணமாகும்.
- கால்நடைகளுக்கு வசம்புத் தூளும் மஞ்சள் தூளும் கலந்து கொடுத்தால் தொற்று நோய்கள் அணுகாது.
- நீரில் வசம்புத் தாள்களை சிறுசிறு துண்டுகளாக்கி போட்டு அரைமணி நேரம் கழித்து நீக்கிவிட்டு அந்த நீரில் குழந்தைகளை குளிப்பாட்டினால், தோல் நோய்கள் அணுகாது.இதன் தாளை அரைத்து வெட்டுக் காயத்தின் மேல் பூசி வர காயம் ஆறும்.
- நரம்புத் தளர்ச்சி உள்ளவர்கள் காலை, மாலை வேளைகளில் வசம்பைப் பொடியாக்கி, அரை ஸ்பூன் தூளுடன் பனங்கற்கண்டையும் சேர்த்து சாப்பிட்டு வர நரம்புத் தளர்ச்சி குணமாகும்.
- வசம்பை சூடாக்கி அரைத்து குழந்தைகளை குளிப்பாட்டியதும் கால்களின் அடிப்பாகத்திலும் தொப்புளைச் சுற்றியும் தடவிவர எந்த நோயும் அணுகாது.
வசம்பு உடலுக்கு தரும் தெம்பு.
வசம்பு என்று குறிப்பிடுவது அதன் வேர்ப் பகுதியாகும். இது அனைத்து மருந்து கடைகளிலும் கிடைக்கும்.இது குழந்தைகளின் உடல் நலம் காப்பதில் சிறந்து விளங்குவதுடன் ஏனையோருக்கும் உகந்தது.
