நாவல் பழம் சாப்பிடுவது உடலுக்கு மிகவும் நல்லது. இது சிறியோர் முதல் பெரியோர் வரை சாப்பிட்டால் நீரிழிவு நோயை கட்டுபாட்டில் வைத்திருப்பதுடன, கல்லீரல் நோய்கள், குடற்புண் போன்றவற்றைப் போக்க வல்லது.
நாவல் பழம் கிடைக்கும் காலங்களில் அதன் பழச்சாற்றை தினமும் மூன்று வேளை தவறாமல் குடித்து வந்தால் நீரிழிவு நோயாளியின் சர்க்கரையின் அளவை குறைத்துவிடலாம். மூன்று மாதத்திற்குள் முற்றிலும் கட்டுப்படுத்திவிடலாம். நாவல் பழத்தின் துவர்ப்புச் சுவை ஒரு சிறப்பு அம்சமாகும்.
நாவல் பழம் இரத்தத்தைச் சுத்தப்படுத்தும். இரத்தத்தில் இரும்புச்சத்தை அதிகரிக்கும். இதனால் இரத்தத்தின் கடினத் தன்மை மாறி இலகுவாகும். மேலும் இரத்தத்தில் கலந்துள்ள இரசாயன வேதிப் பொருட்களை நீக்கி சிறுநீர் மூலம் வெளியேற்றும். சிறுநீரகத்தை சீராக செயல்பட வைக்கும். மலச்சிக்கலைப் போக்கும்.
மூல நோயின் பாதிப்பு உள்ளவர்கள் நாவல் பழத்தை அடிக்கடி சாப்பிட்டு வந்தால், மூல நோயின் தாக்கம் குறையும். நன்கு பழுத்த நாவற்பழத்தை, உப்பு அல்லது சர்க்கரையுடன் சேர்த்து சாப்பிட்டு வந்தால் வாய்ப்புண், வயிற்றுப்புண், குடற்புண் போன்றவை குணமாகும். அஜீரணக் கோளாறுகளைப் போக்கி, குடல் தசைகளை வலுவடையச் செய்யும்.
தூக்கமின்றி அவதிப்படுபவர்கள், நாவல் பழத்தை மதிய உணவுக்குப்பின் சாப்பிட்டு வந்தால், தூக்கமின்மை நீங்கும். மெலிந்த உடல் உள்ளவர்கள் தினமும் நாவல் பழத்தைச் சாப்பிட்டு வந்தால் உடல் தேறும். நாவல்பழம் வியர்வையைப் பெருக்கும். சரும நோய் ஏற்படாமல் பாதுகாக்கும். பித்தத்தைக் குறைக்கும், உடல் சூட்டைத் தணிக்கும். ஞாபக சக்தியை அதிகரிக்கும்.
நாவல் பட்டையை இடித்து நீர் விட்டு கொதிக்கவைத்து வடிகட்டி குடிநீராக அருந்தி வந்தால் நீரிழிவு நோயினால் உண்டான பாதிப்புகள் நீங்கும். பெண்களுக்கு உண்டாகும் கருப்பைப் பாதிப்புகளைப் போக்கும்.
நாவல் பழம் கிடைக்கும் காலங்களில் அதன் விதைகளை சேர்த்து வைத்தால் ஏனைய காலங்களில் இவ்வாறு குடிநீராக அருந்தலாம் நன்றாக காயவைத்து கோப்பிக் கொட்டையுடன் சேர்த்து பவுடராக அரைத்து அதை ஒரு கப் சுடுநீரில் 2 டேபிள் ஸ்பூன் இட்டு காலை, மாலை குடிநீராக அருந்தி வந்தால் நீரிழிவு நோய் குறையும்.
